نكات و قصص

كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه

ابوسريع ,اقترحت ام ابوسريع علي ابو ابوسريع انهم يروحوا يفسحوا الواد في البحر الاحمر جهزوا

لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة

صرخت ام ابوسريع "تصدق يابو ابوسريع نسينا اهم حاجة نسينا الملاحة عشان الاكل .اخطف

رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة جاي يكون الاكل

برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة

ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن

ناكل بدل ماالاكل يبرد ولمايجي ابوسريع نعمله اكل ثاني "فجاة خرج ابوسريع من ورا شجرة وقال

يعني لو كنت رحت كنتم كلتم من غيري





-----------------------------



شاورما

ديك و فرخه معديين من قدام محل شاورما ..الديك بيقولها شوفى اللى بيحصل للى مبتسمعش

كلام جوزها



-------------------------



تغيير

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه



--------------------


صباح الخييير

اتنين بيحششوا في قفص فراخ.تاني يوم الصبح طلع الديك وقال: كوكايييييييين



------------------------


واحدة اديت صاحبتها بغبغان هدية ثاني يوم سألتها عن الببغان؟؟؟

قالتلها عادي طعمه زى طعم الفراخ.



---------------------------



كلب بوليسى

كلب شوارع مر من جنب قسم شرطة شاف كلب بوليسي قال آخ لو كملت تعلمي



----------------------------


الديك بيحب فرخة

مرة ديك بيقول لفرخة تتجوزيني عرفي ؟

قلتلة ده بابا يدبحني


------------------------
احول

صرصار فطسان علي روحة من الضحك لية

علشان الا بيجري وراي بالشبشب احول
-------------------------
شبشب

صورصار متمرد ليه ؟

مش لقي شبشب يوقفه عند حده





--------------------



نمله نايمه على البحر ليه؟

من ضحايى تايتنك
-----------------------------------
الحرب على الذباب

واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه

الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين

الجرسون: احنا حاربنا الذباب بس هو فاز علينا !!!
--------------------------
طبيب عيون

واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله

طبعا.. بس هي فين اللوحة؟
------------------------------------
أصفر وأسود

واحد مدرس بيسأل بنت انتي ليه شعرك اسود واختك شعرها اصفر قالت له اصل امي ولدتني

قبل ما تصبغ شعرها
------------------------
قمة الرخامة

اثنين حشاشين واحد منهم قاعد يسمع شريط فاضي ، الحشاش التاني قالة إذا خلصت

سجلهولي

-----------------------

مطعم المساطيل

واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم

كمان مسطول قال له من غير سلطة ايه؟ قال له : من غير سلطة قوطة – صاحب المطعم :

ماعنديش سلطة قوطة اعمله من غير سلطة طحينة؟؟؟